Giai Fiat Ora di Teatro del Sottosuolo – Quartu Sant’Elena (CA)

Giai fiat ora, perou, no est sceti unu spectaculu po fai arriri e nci passai su tempus, no ddu fiat nemancu “Circo all’arrembaggio”poita eus sempri, mancai a sa lebia, chistionau de is cosas chi prus ci funt stetias a coru e chi prus nci strobiant: cussu chi papaus , s’ocupatzioni militari, is fogaronis chi donnìa istadi abruxant satu e padenti lassendi sempri prus pagu birdi a is pipius e a is pipias de su benidori, s’importu mannu chi tenit biri sa belleza in sa diversidadi.

Imoi perou ” Giai fiat ora ” est pruschetotu un’istrumentu po torrai a chistionai su sardu, poita chistionai custa lingua froria e sinzera est e depit essi motivu de mannosia e no de bregungia. Imperai su sardu in dd-unu spectaculu de custa zenia est fintzas etotu una manera po s’acostai a sa genti, a cussu pubbricu chi su sardu ddu cumprendit pero mancai no ddu fueddat o ddu fueddat sempri prus pagu.
Est una de is tantas formas chi teneus po nai ca su sardu est una lingua bella meda, e chi si allirgat su coru candu dda fueddaus e candu dda ascurtaus.

S’ispetaculu est in Sardu, perou si at a manigiai fintzas s’ Italiano si calincunu fueddu o calincuna frasia no si intendit.
.